【RTHK】【歸園田居|業主租客之間嘅責任同權益|外籍人士喺香港定居】


【民生無小事】
有人辭官歸故里,有人漏夜趕科場。有人喺職場上不斷向上併,有人厭棄刻板嘅辦公室生涯,毅然放下城市步伐,到鄉郊尋找生活上嘅另類出路,畀生命抖一口氣。喺城市打併咗二十年辦公室工作嘅Rachel,四年前,千山萬水走到二澳,當起全職農夫。除咗過住半自給自足嘅生活,亦可同自己最愛嘅昆蟲蝴蝶近距離共處。生活,可以有好多角度,只在乎值得與否。

【有乜咁蹺蹊】
處理有關樓宇買賣、裝修維修,甚至業主同租客等事情,好多時都會有唔少繁複嘅文件往來,當中有部分可能仲具有法律效力同約束力。想了解更多,請留意「法律知多D」系列,香港大學建築學院客席教授黃顯舜律師,會對有關涉及香港法律嘅實際問題而提供初步嘅參考意見。

【港人港住】
兩位外籍人士選擇嚟香港定居,一位係居港三十年、因愛情嚟香港嘅法國人Christine;一位係居港十年、因工作嚟香港嘅日本人Soko,二人曾經係抱住年輕一嘗嘅心情嚟香港,最後卻選擇以香港為家,做一個香港人。 日本人鐘意瞓榻榻米,法國人習慣喺偌大嘅廚房煮飯,兩地嘅生活文化跟香港截然不同,佢哋係點樣適應過嚟?佢哋點樣看待香港狹小嘅居住空間?喺法國同日本置業又會比香港容易嗎?今集Christine同Soko會分享多年嚟喺香港嘅生活經歷,同埋法國同日本獨有嘅居住設計。

歸園田居
業主租客之間嘅責任同權益
外籍人士喺香港定居

▼ 第十九集



Comments