【RTHK】【一級歷史建築藍屋|家居清潔小貼士|大學舍堂文化】


【民生無小事】
一級歷史建築藍屋係灣仔區嘅歷史地標,藍屋、黃屋同橙屋經過數年嘅復修工程後,現已重新開放,定名為藍屋建築群,係香港第一個留屋留人嘅活化項目。呢棟香港早期嘅唐樓,充滿住好多香港人喺唐樓生活嘅回憶,今集帶大家從建築同生活文化兩大方面,重新認識呢座擁有近百年歷史嘅住宅。

【有乜咁蹺蹊】
家居清潔係好多人唔想面對嘅家常事,但只要學識有效嘅方法,清潔家居絕不煩複。想了解更多,請留意「家居清潔小貼士」系列,仁愛堂家務助理導師梁瑞堂,會示範點樣簡易且有效咁清潔家居。

【港人港住】
香港大學嘅利瑪竇宿舍 (Ricci Hall) 同何東夫人紀念堂 (Lady Ho Tung Hall),亦分別係現存歷史最悠久嘅男子同女子宿舍。電影『玻璃之城』載滿對宿舍生活嘅浪漫回憶,亦瞥見了一角舍堂嘅傳統活動。近期何東一首『入宿Cheers』短片被網絡熱載同廣泛討論,但有邊個真正了解舍堂文化嘅存在意義?其實舍堂文化源遠流長,每個時期嘅文化都略有差異,佢不僅僅為宿生提供一處住宿嘅地方,其實內裡亦承傳咗大學生嘅浪漫理想主義同舍堂獨一無二嘅團隊精神。今集請嚟三代宿生,細說宿舍生活嘅變遷同舍堂文化嘅薪火相傳。

一級歷史建築藍屋
家居清潔小貼士
大學舍堂文化

▼ 第十集



Comments