【美國】【美國航空航班減少座位空間】

▲ 美國航空嘅新一批波音737客機將會有大改革。

各位美國航空嘅粉絲留意喇，美國航空最近宣佈咗會將座位空間縮細，總部達拉斯已經引入咗多架新型波音737馬克斯飛機，而呢啲飛機上有三排座位，都會將目前嘅座位空間減至29英寸，比目前嘅配置減少咗2英寸。

跟據預計，呢架飛機嘅其他部分將會有30英寸嘅腿部空間，根據當局所講，現有嘅737-800亦有機會改裝成相同嘅配置。飛機進行咗改裝之後，飛機嘅通道就可以增加十個額外嘅座位，而新嘅737馬克斯飛機預計將會有大約170個座位。

根據SeatGuru.com嘅數據，西南航空公司嘅737s航班都有31英寸嘅腿部空間，而JetBlue嘅航班最少都有32英寸，最多就有41英寸。美國航空公司嘅代表就表示，雖然腿部空間減少咗，但客人係唔會感覺到有任何差異，因為新座位嘅設計係想盡可能提供個人生活空間，同時令客人更舒適，而座椅寬度將保持不變，為17.2英寸。另外主艙額外嘅經濟座位同頭等嘅16個座位都會保持不變。

除咗座位空間會減少，機上嘅娛樂設施都會有新嘅安排。乘客會需要利用個人電話、平板電腦或notebook連接機上wifi去觀看免費電影同電視節目，公司新訂購嘅100架737s飛機，都會係冇座椅後嘅顯示器。除咗美國航空公司之外，Jetstar，West Jet同Virgin Australia都宣佈咗會陸續取消飛機座位後嘅顯示器。

▲ 遲吓搭飛機可能冇座位後面嘅電視機睇喇。



▲ 座位空間對於坐長途機嚟講都幾重要㗎。