鐵漢李家鼎 (鼎爺) 深藏不露，一手鬼斧神工嘅廚藝功架，教觀眾眼界大開！為咗滿足觀眾嘅「添食」要求，新一輯《阿爺廚房》載譽歸來。鼎爺再次施展廚藝「真功夫」，聯同食得嘴刁嘅「好拍檔」譚玉瑛 (阿譚)，奉上傳統粵菜嘅美味。鼎爺同阿譚每集走訪街市、店舖實地選購心水食材，同即席分享揀選優質食材嘅「小貼士」。鼎爺繼而精心設計特色菜單，炮製各式各樣嘅湯水、小菜同甜品，將一道道幾近失傳嘅懷舊粵菜呈現觀眾眼前！
煎魚最怕黏鑊，容易燒焦之餘，賣相亦大打折扣！要減少魚腥味，又有乜要點？鼎爺傳授「豉汁煎封鯧魚」嘅竅門，仲會講解鷹鯧同白鯧嘅分別。
簡單嘅家常小炒，亦講求唔少下廚技巧。鼎爺奉上香嫩可口嘅「雞絲炒粉絲」，炒合前更特意將粉絲放進雞湯浸軟，粉絲味道得以大大提升！
鼎爺及後以巧手將原隻雞去骨同加入豐富配料，再將雞放入豬肚內，燉煮成一道功夫菜「悟能懷鳳胎」。阿譚急不及待品嚐鼎爺「手勢」，究竟有多滋味？
煎魚最怕黏鑊，容易燒焦之餘，賣相亦大打折扣！要減少魚腥味，又有乜要點？鼎爺傳授「豉汁煎封鯧魚」嘅竅門，仲會講解鷹鯧同白鯧嘅分別。
簡單嘅家常小炒，亦講求唔少下廚技巧。鼎爺奉上香嫩可口嘅「雞絲炒粉絲」，炒合前更特意將粉絲放進雞湯浸軟，粉絲味道得以大大提升！
鼎爺及後以巧手將原隻雞去骨同加入豐富配料，再將雞放入豬肚內，燉煮成一道功夫菜「悟能懷鳳胎」。阿譚急不及待品嚐鼎爺「手勢」，究竟有多滋味？
Comments
Post a Comment