【日本】【東京最新慳位單位 大門後係開放式馬桶】


上樓,對於好多香港人嚟講都係一件好有壓力嘅事。為咗上樓,每個人都奇招盡岀,誇張嘅人可能會選擇乜都靠晒屋企,或者為咗咁冇晒自己,有啲人死慳死抵唔去旅行、唔搬出去住、唔消費,為嘅就係可以買一間比豆腐潤更細嘅樓。不過大家唔好以為呢個情況只係會喺香港發生,喺日本東京,要上樓同樣艱難。最近就有一間日本東京嘅單位係網上出租,引起網民熱烈討論,討論嘅原因並唔係因為佢嘅設計有幾靚 ,亦唔係有幾豪華,而係佢與別不同嘅設計風格。私隱呢樣嘢對於每個人嚟講 ,都係咁重要,不過呢間屋 ,就可以話打破晒所有既定框框。為咗慳位,一入門口嘅左手邊已經係馬桶。大廳係呈長方形設計,唯一嘅房就係浴室,至於廚房、洗衣機等等,就喺單位盡頭嘅一個凹位,真係物盡其用。咁樣嘅一間屋幾多錢?承惠每月57,000日元,大約HK$4000,日本就有網民話同坐監一樣。其實東京不嬲出名房租貴,有啲單位甚至誇張到連窗都冇,相比之下呢個單位都叫做可以接受啦。講起房屋問題,其實香港地都有好多人面對緊呢樣嘢,一家四口住喺120尺嘅單位、廁所喺張床隔離呢啲新聞大家都聽唔少,比起香港,日本市民似乎已經幸福好多。










Comments